Tre të rinj u arrestan nga forcat Shqiponja dhe ato Operacionale në Shkodër, për shpërndarje të lëndëve narkotike. Në pranga u vendosën shtetasit Klodjan Gjoka, Fabjano Ndrezaj dhe Jurgen Çaku të moshave 27, 26 dhe 25 vjec. Klodjan Gjoka u kap në flagrancë në rrethrrotullimin e fshatit Stom Golem duke qarkulluar me një automjet Land Rover. Efektivët ushtruan kontrolle në automjetin e tij dhe gjetën një sasi lënde narkotike kanabis. Kontroll iu ushtrua edhe në cantën personale, ku uniformat blu gjetën një thikë, të cilën e sekuestruan si provë materiale. Ndërsa Fabjano Ndrezaj dhe Jurgen Çaku u kapën njëri në sheshin “Luigj Gurakuqi”, ndërsa tjetri në sheshin “Nënë Tereza. Të dy ata kishin në xhepa kanabis të ndarë në doza gati për shitje, sasi që u sekuestrua nga policia. Tre të rinjtë do të mbahen në paraburgim deri në momentin që ata do të dalin përpara gjykatës së shkallës së parë Shkodër për vlerfimin e kushteve të masës së sigurisë, teksa materialet do i referohen prokurorisë për nisjen e hetimeve, për të kuptuar prej sa kohësh e ushtronin këtë aktivitet dhe nëse bashkëpunion apo jo me persona të tjerë.