Tre persona janë arrestuar nga policia e Durrësit si të akuzuar për veprat penale "Falsifikim i dokumenteve" dhe "Mashtrimit me pasoja të rënda”, si pjesë e një operacioni të nisur disa muaj më parë. Prokurori e posacme nepermjet nje njoftimi per shtyp ben me dije se eshtë goditur një grup me ish - punonjës të Autoritetit Rrugor Shqiptar, të cilët duke shpërdoruar detyrën, kanë shpronësuar një pronë dhe kanë lejuar një subjekt që të ushtrojë aktivitetin në kundërshtim me ligjin, në afërsi të Shkëmbit të Kavajës. Shërbimet e Policisë kanë bërë ekzekutimin e urdhrave të ndalimit të Prokurorisë, pasi Gjykata e Rrethit Gjyqësor Durrës u ka vendosur masën e sigurisë "Arrest në burg", per 3 shtetas. Gjithashtu janë shpallur në kërkim edhe dy shtetas te tjere, për veprën penale "Shpërdorimi i detyrës", "Falsifikim i dokumenteve" dhe "Mashtrimit me pasoja të rënda”.