Vijojnë të mbeten të papërgjegjshëm drejtuesit e mjeteve, ku pothuajse cdo ditë raportohet për arrestime si dhe për ndëshkime me masë administrative. Gjatë 24 orëve të fundit, policia ka bërë me dije se në të gjithë vendin, janë konstatuar disa shoferë me shpejtësi që arrijnë deri në 174 km/h dhe drejtues mjetesh që drejtojnë mjetin nën efektin e alkoolit apo në gjendje të dehur. Uniformat blu kanë bërë me dije se, 7 persona janë vënë në pranga, nga të cilët 4 për drejtim mjeti në gjendje të dehur dhe 3 për drejtim mjeti pa leje drejtimi. Githashtu policia ka pezulluar 43 leje drejtimi, nga të cilat 29 për shpejtësi deri në dyfish mbi normën e lejuar dhe 14 për drejtim mjeti nën ndikimin e alkoolit. Po ne kete hark kohore, 1495 drejtues mjetesh janë ndëshkaur me masë administrative për shkelje që përbëjnë rrezik për përfshirje në ngjarje rrugore. Pavarësisht kontrolleve të pandërprera, instalimit të radarëve në të gjitha rrugët interurbane dhe urbane, shtimit të patrullave të lëvizshme të pajisura me dronë, alkooltestues, përsëri ka akoma shumë drejtues mjetesh që abuzojnë me shpejtësinë dhe alkoolin në timon, kryejnë parakalime të gabuara apo manovra të rrezikshme në rrugë.