Për dhunën e pësuar kur ishte vetëm 19 vjec, Lady Gaga ka folur disa herë. Por, e ftuar nga Oprah Ëinfrey, në një emision të ri mbi shëndetin mendor, ylli i popit ka bërë një tjetër rrëfim shokues. “Pas dhunës seksuale, mbeta shtatzënë dhe u lashë në rrugë. Kam vuajtur shumë, për shumë vite”, rrëfeu ajo. “Isha vetëm 19 vjec dhe po hidhja hapat e parë në sektor, dhe një producent më tha të hiqja rrobat- tregoi Lady Gaga. “I thashë jo dhe u largova. Ai ma ktheu se do të më shkatërronte plotësisht. Në fillim ndjeva një dhimbje totale, më pas nuk ndjeja më asgjë. Isha keq për javë të tëra. Më pas kuptova se kjo ishte e njëjta dhimbje që provova kur personi që më përdhunoi më la shtatzënë në një qoshe, jashtë shtëpisë së prindërve të mi sepse nuk isha mirë dhe vazhdoja të villja. Sepse i isha nënshtruar një abuzimi”. Gaga vazhdon rrëfimin e momenteve të dhimbshme: Kam qendruar e mbyllur në një studio për muaj të tërë. Kalova një krizë totale psikologjike dhe për disa vite nuk isha më i njëjti njeri si më parë. Më kanë bërë aq shumë rezonanca manjetike në të cilat nuk gjenin asgjë. Por trupi, kujton gjithcka. Ajo bën edhe një tjetër rrëfim shokues: jam përballur edhe me një armik tjetër-vetëlëndimin. Por, tani gjithcka shkon mirë, pavarësisht se plagët e vjetra nuk mbyllen lehtë.