Gjigandi gjerman i makinave Volksëagen tha se drejtuesit e kompanisë dhe sindikatat kishin rënë dakord të shkurtonin gjithsej 100,000 vende pune deri në fund të dekadës, në ristrukturimin më të madh të bërë ndonjëherë në industrinë globale të automobilëve. Kompania tha se kishte miratuar një plan që përfshinte shkurtimin e rreth 50,000 vendeve të punës, përveç 50,000 vendeve të tjera për të cilat është rënë dakord tashmë. "Është thelbësore që nivelet e fuqisë punëtore të përputhen në mënyrë sistematike me realitetet ekonomike", tha grupi me 10 marka, që përfshin edhe Audin dhe Porsche. I goditur nga tarifat amerikane, kërkesa e dobët për makina elektrike dhe mbi të gjitha konkurrenca e ashpër nga Kina, prodhuesi më i madh i makinave në Evropë është në vështirësi. Gjithsej 100,000 shkurtime do të jenë ristrukturimi më i madh i kryer ndonjëherë në industrinë globale të automobilave, duke arritur në rreth 15 përqind të stafit të prodhuesit të makinave në të gjithë botën. Kjo i tejkalon shkurtimet prej 50,000 vendesh pune që General Motors bëri pasi shpalli falimentin në vitin 2009. Volksëagen tha se si drejtuesit, ashtu edhe sindikatat ranë dakord se e ardhmja afatgjatë e katër fabrikave gjermane - në Hannover, Emden, Zuickau dhe Neckarsulm, nuk mund të garantohej, ndërsa shtoi se po shqyrtoheshin përdorime alternative për fabrikat. Mbyllja e fabrikave do të shënonte herën e parë që Volksëagen do të mbyllte fabrika në shkallë të plotë në Gjermani.