Në orët e para të mëngjesit të kësaj të premteje, një shpërthim ka tronditur qytetin e Shkodrës. Raportohet se një sasi lëndë djegëse i është vendosur një automjeti tip “Audi”, i cili ka qenë i parkuar në parkingun e një supermarketi pranë Teatrit “Migjeni” në bulevardin “Bujar Bishanaku”, në Shkodër. Nga këqyrja e kamerave ngjarja ka ndodhur rreth orës 4 e 30 minuta dhe bëhet me dije se si pasojë e shpërthimit të fortë, automjeti është dëmtuar pothuajse plotësisht. Ndërkohë kamerat e sigurise kanë fiksuar edhe momentin kur një person me motor i është afruar makines tip “Audi”, të dhe i ka hedhur lëndën djegëse. Mësohet se pronari i mjetit B.Freskina ka deklaruar se nuk ka probleme me persona të tjerë. Shërbimet e Policisë dhe grupi hetimor po punojnë për të identifikuar autorin ose autorët si dhe për të zbardhur rrethanat.