Kompania lobuese ‘Continental Strategy’ ka çuar në departamentin e drejtësisë, në Ëashington DC një raport të Partisë Demokratike për zgjedhjet parlamentare të 11 majit. Në shkresë pretendohet se dy nënkryetarë të SHISH mobilizuan në terren agjentë në pension të ish sigurimit te shtetit të kohës së komunizmit për të frikësuar zgjedhësit. Partia Demokratike pretendon se në Shqipëri në ditën e zgjedhjeve ka pasur dhunë, kërcënime me jetë dhe blerje votash. “Banda kriminale bashkëpunuan me Partinë Socialiste për të ndikuar rezultatin në të paktën 10 nga 12 qarqet e vendit.” – thuhet në letër. Nënvizohen disa mënyra të keqpërdorimit të burimeve shtetërore, duke filluar nga shpërndarja e bonuseve për 760,000 pensionistë, licencat për kultivimin e kanabisit mjekësor, punësimet në sektorin publik dhe falja e gjobave Sipas letrës demokratët kërkojnë qeveri teknike për organizimin e zgjedhjeve të reja dhe për të ecur përpara me agjendën e integrimit në BE. Gjithashtu kërkohet një hetim ndërkombëtar mbi procesin zgjedhor të 11 majit dhe mbikëqyrje ndërkombëtare të vazhdueshme për proceset demokratike në Shqipëri.