Gjykata Kushtetuese vendosi për Ilir Metën. Siç raporton gazetarja e Top Channel Anila Hoxha, masat e arrestit në burg të shpallura nga gjykatat më të ulëta janë kushtetuese dhe ndaj mbeten në fuqi. Ky vendim siç shprehet kushtetuesja u dha me shumicë votash. Ndërkohë për pretendimit tjetër të mënyrës se si ju kufizua liria, kushtetuesja deklaroi se nuk mundi ta marrë kërkesën në shqyrtim përderisa nuk ka ende një verdikt nga shkallët më të ulëta dhe për sa kohë ish-presidenti ka depozituar denoncim pranë prokurorisë. Ilir Meta nuk u eskortua nga ambientet e burgut në Gjykatë Kushtetuese sepse procesi u mbajt pa praninë e palëve dhe duke u bazuar tek provat materiale. Në seancë nuk ishin të pranishëm as prokurorët e SPAK por i kishin dërguar prapësimet me shkrim sikurse edhe avokatët e ish presidentit nën akuzë për korrupsion, në të njëjtët fahsikuj ku e pandehur është edhe ish-bashkëshortja e tij Monika Kryemadhi. Meqënëse gjykata antikorrupsion ka caktuar datën datën 27 prill si ditën kur nis gjykimi i themelit ndaj pesë të pandehurve, Meta garanton jo vetëm që do jetë i pranishëm por ka dërguar ftesat e tij virtuale. “Ejani më 27 prill të shikoni se si u justifikua ky rrëmbim mafioz bazuar vetëm mbi gënjeshtra dhe falsifikime.Ejani të gjithë të shikoni se si DIA ishte një krijesë jo vetëm de facto, por edhe de jure amerikane!Ejani të shikoni se si letërporositë janë nisur vetëm me qëllime mashtrimi të autoriteteve amerikane dhe të tjera!”, shkroi Meta.