Të paktën një person ka vdekur dhe 28 janë zhdukur pas një rrëshqitje dheu në Kinën jugperëndimore, sipas mediave shtetërore kineze. Rrëshqitja e dheut goditi fshatin Jinping në provincën Sichuan në orën 11:50 të së shtunës duke mbuluar 10 shtëpi dhe duke bllokuar disa banorë. Dy persona u shpëtuan. Një qendër komandimi është ngritur në vendngjarje sipas një deklarate nga byroja e menaxhimit të emergjencave të qarkut. Presidenti i Kinës Xi Jinping ka urdhëruar një ekip shpëtimi që të ndërhyjë dhe t’u vijë sa më shpejt në ndihmë të bllokuarve. Imazhet e ndara nga media shtetërore tregojnë një shembje të madhe balte dhe shkëmbi nga një shpat i pjerrët mali duke marrë para gjithçka. Qindra punonjës të urgjencës janë duke kërkuar për të mbijetuar, sipas një deklarate nga Ministria e Menaxhimit të Emergjencave të Kinës. Ndërkohë rreth 200 persona janë evakuuar. Presidenti Xi ka urdhëruar autoritetet të bëjnë "çdo gjë të mundshme për të kërkuar dhe shpëtuar njerëzit e zhdukur, me qëllim minimizimin e numrit të viktimave.