Shkencëtarët bërthamorë i mbajtën akrepat e orës së tyre të apokalipsit më afër mesnatës se kurrë më parë duke cituar veprimet e rusisë me armët e saj bërthamore në mesin e pushtimit të ukrainës, luftën mes izraelit bërthamor në Gaza dhe përkeqësimin e ndryshimeve të klimës si faktorë që po nxisin rrezikun e një katastrofe globale. Buletini i shkencëtarëve atomikë, sic bëri edhe vitin e kaluar, i vendosi akrepat 90 sekonda para mesnate, me mesnatën që konsiderohet si pika teorike e asgjësimit. Shkencëtarët e bëjnë këtë vlerësim të tyre cdo vit, duke u bazuar në rreziqet ekzistenciale ndaj tokës dhe banorëve të saj: kërcënimet bërthamore, ndryshimet e klimës dhe teknologjitë e rrezikshme si inteligjenca artificiale dhe bioteknologjia e re. “Pikat e nxehta përreth botës mbajnë rrezikun e një përshkallëzimi bërthamor, ndryshimet e klimës po shkaktojnë vdekje dhe shkatërrim dhe teknologjitë e reja si Inteligjenca artificiale dhe kërkimet biologjike po avancojnë më shpejt nga masat mbrojtëse të tyre”, tha Rachel Bronson, presidente e Buletinit të shkencëtarëve bërthamorë duke shtuar se mbajtja e orës në të njëjtin pozicion me vitin e kaluar, nuk është një tregues se bota është e stabilizuar. Buletini e krijoi orën në 1947-ën gjatë tensioneve të luftës së ftohtë që pasuan luftën e dytë botërore për të paralajmëruar publikun se sa afër shkatërrimit të botës ishte njerëzimi. Ai tha të martën se tendencat ogurzeza vazhdojnë të shtyjnë drejt katastrofës, duke përfshirë faktin se Kina, Rusia dhe Shtetet e Bashkuara po shpenzojnë të gjitha shuma të mëdha parash për të zgjeruar ose modernizuar arsenalet e tyre bërthamore, duke rritur rrezikun e luftës bërthamore përmes gabimeve ose keqllogaritjeve. Buletini është themeluar në 1945-ën nga shkencëtarë mes të cilëve edhe Albert Ajnshtajn dhe Robert Oppenheimer.