Ideja e një rebelimi të inteligjencës artificiale mund të tingëllojë si komplot i një filmi fanta-shkencor, por një studim I ri zbulon se një gjë e tillë në fakt, nuk është e pamundur. Sipas hartuesve të tij, nëse kjo do të ndodhte, njerëzit me shumë gjasë nuk do ta ndalonin dot. Një ekip shkencëtarësh ndërkombëtarë krijuan një algoritëm teorik frenimi, I cili garanton se nje një sistem super inteligjent nuk mund t`i dëmtojë njerëzit në asnjë rrethanë, duke simuluar inteligjencën artificial dhe duke I bllokuar asaj aftësinë të shkatërrojë njerëzimin. Analiza në fund tregoi se algoritmet aktuale nuk e kanë aftësinë ta ndalojnë një inteligjencë të tillë, sepse komandimi i sistemit për të mos shkatërruar botën do të ndalonte padashur operacionet e vetë algoritmit. “ Praktikisht, algorimit I frenimit do të bëhej I papërdorshëm”, thotë Iyad Rahwan, Drejtor i Qendrës për Njerëzit dhe Makineritë. Inteligjenca artificial I ka magjepsur njerëzit për vite të tëra, e sot e gjejmë pothuajse kudo. Por me fuqinë e madhe vijnë dhe shumë përgjegjësi, dhe shkëncetarët në mbarë botën I druhen rreziqeve që mund të bartin në vetvete sistemet super-inteligjente.