Kina është e gatshme të rrisë shkëmbimet me forcat e armatosura ruse me qëllim që të thellohet komunikimi, bashkëpunimi dhe besimi reciprok ushtarak. Kjo është bërë e ditur nga një zëdhënës i ministrisë kineze të mbrojtjes, sipas të cilit, marrëdhëniet mes dy vendeve nuk janë të ngjashme me aleancën ushtarake dhe politike gjatë luftës së ftohtë, por janë në gjurmët e modelit të marrëdhënieve shtetërore dhe kanë një natyrë të mos angazhimit, mos konfrontimit dhe mos vënies në shënjestër të vendeve të treta. Mes planeve, ka shtuar zëdhënësi, është edhe ai i stërvitjeve dhe patrullimeve të përbashkëta dhe të rregullta detare dhe ajrore mes dy vendeve. Ushtria kineze është e gatshme të bashkëpunojë me ushtrinë ruse për të zbatuar plotësisht dakordësinë e arritur nga dy shefat e shteteve, xi jinping dhe vladimir Putin, si edhe për të forcuar akoma më tej komunikimin dhe koordinimin strategjik; për të organizuar rregullisht patrullime detare dhe ajrore të përbashkëta, si edhe stërvitje dhe manovra të përbashkëta – ka vijuar zëdhënësi. Bëhet fjalë sipas tij për iniciativa të finalizuara me qëllim thellimin e besimit reciproj ushtarak dhe ofrimin e kontributeve të reja për ruajtjen e sigurisë dhe stabilitetit ndërkombëtar dhe rajonal. Presidenti i Kinës, Xi Jinping, kohët e fundit vizitoi rusinë dhe u takua atje me presidentin rus Vladimir Putin, një vizitë kjo që shtetet e bashkuara të amerikës nuk e pritën aspak mirë. Uashingtoni ka paralajmëruar ndërkohë kinën për pasoja të rënda nëse ajo do të ndihmojë ushtarakisht rusinë në pushtimin e saj të Ukrainës...