Reshjet e shiut nuk kanë krijuar probleme në Qarkun e Kukësit, ku për shkak të inerteve të rëna janë bllokuar disa rrugë rurale duke izoluar fshatra të tërë malor. Problemet më të mëdha janë në njësinë administrative Zapot, ku të tre rrugët që lidhin këtë zonë me qytetin e Kukësit janë bllokuar plotësisht nga rrëshqitjet masive të dherave por dhe dalja nga shtrati e përrenjëve dhe lumenjëve. Problemi më I madh mbetet në aksin kryesor të kësaj njësije, ku si pasojë e fryrjes së lumit Orgjos, u dëmtua një pjesë e madhe e këtij aksi duke e bërë të pamundur qarkullimin. rruga u shkatërrua totalisht në një gjatësi prej rreth 200 metrash. Situata paraqitet problematike edhe në fshatra të tjera të njësive administrative përreth, si Lojme, Nimç, Borje, Bele, Xhaferaj, Tërshenë, Vilë, Qajë, Tejdrinë dhe Lusën, që vijojnë të jenë të të bllokuara që prej ditës së martë.