Raketat dhe dronët britanikë kanë ndihmuar Ukrainën të shkatërrojë pothuajse një të tretën e flotës ruse në Detin e Zi, tha sekretari britanik i mbrojtjes Grant Shapps, gjatë vizitës së tij në Ukrainë. Shapps u kërkoi aleatëve të rrisin ndihmat ushtarake për Ukrainën, ndërsa u zotua t'i jepte Kievit 10,000 dronë, përfshirë edhe mjete detare pa pilot, për të hedhur në erë pushtuesit rusë. Duke folur në Kiev, ku u takua me Presidentin e Ukrainës, Volodymyr Zelensky, Shapps tha: "Forcat e Armatosura të Ukrainës po përdorin armë të dhuruara nga Britania e Madhe me një efikasitet të paprecedenttë, që kanë ndihmuar në shkatërrimin e afro 30 për qind të flotës ruse të Detit të Zi". Kjo vjen disa ditë pasi inteligjenca ushtarake e Ukrainës GUR fundosi korvetën Sergei Kotov me një tufë dronësh detarë të martën. Ky sulm e çoi në të paktën 23 numrin e luftanijeve ruse të mbytura, të shkatërruara ose të dëmtuara rëndë që kur Putin filloi pushtimin e tij. Mbretëria e Bashkuar nuk ka zbuluar nëse po mbështet apo jo misionet e dronëve detar Magura V5, por raketat e saj shkatërruese të lundrimit Storm Shadoë goditën një nëndetëse të klasit Kilo, një anije zbarkimi të klasit Ropucha dhe selinë e flotës ruse të Detit të Zi në Sevastopol vitin e kaluar. Në një mesazh për aleatët, përfshirë Amerikën, ku vazhdon të mbetet e bllokuar një paketë e madhe ndihmash ushtarake për kievin, shapps tha: "I inkurajoj partnerët ndërkombëtarë që t'i bashkohen Mretërisë së Bashkuar në këtë përpjekje".