Përfshirja e shqiptarëve në tregun e kultivimit e trafikimit të lëndëve narkotike në Britaninë e Madhe, gjithnjë e më shumë po vjen drejt zgjerimit, ndërsa edhe numri i shtetasve të arrestuar që përfshihen në këtë aktivitet të paligjshëm, cdo ditë e më shumë është në rritje. Katër shqiptarë të tjerë ranë në prangat e policisë angleze, si pjesë e një bande kriminale droge. Sipas mediave britanike të arrestuarit janë Kole Leshi 54 vjedc, Klajdi Leshi 23 vjec, Dritan Lleshi 53 vjec dhe Ermal Biba 38 vjec. Ky i fundit është kreu i bandës kriminale. Biba, si kreu i bandës, dyshohet se ka rekrutuar Kole Leshin dhe Klajdi Leshin. Shqiptarët u kapën në flagrancë zonën e Harrogate, duke transportuar kanabis dhe kokainë. Policia britanike sekuestroi një sasi droge, e cila nëse do nxirej në treg do kapte vlerën rreth 25 mijë paund. Shqiptarët u shoqëruan në burg dhe do merren në pyetje për aktivitetin që ata ushtronin. Autoriteet kanë nisur hetimet për të kuptuar nëse ka të tjerë të përfshirë në këtë bandë kriminale.