Dha papritur dorëheqjen, por më vonë u mësua se në fakt Kardinalin Giovanni Angelo Becciu e kishte shkarkuar vetë Papa Françesku. Ai dyshohet se I ka dhënë vëllezërve të tij para të marra prej kishës. Vetë Becciu, ndihmës I ngushtë I Atit të Shenjtë, nuk pranon ta ketë bërë këtë veprim. Kardinali kishte mbajtur më parë një post të rëndësishëm në Sekretariatin e Shtetit të Vatikanit. Ai u përfshi në një marrëveshje të diskutueshme për të investuar në një ndërtesë luksoze në Londër me fondet e Kishës. Që prej atëherë, ky investim ka qenë objekt i një hetimi financiar.Dorëheqjet në këtë nivel të Vatikanit janë jashtëzakonisht të rralla dhe selia e Sehënjtë dha shumë pak informacione rreth largimit të Becciut. Kardinali vetë citohet të ketë thënë se nuk ka vjedhur “as edhe një qindarkë. Nuk jam nën hetim, por po më cuan në gjyq, do të mbrohem”, është shprehur ai.