18 është numri i vatrave të zjarrit në vend, nga të cilat 5 vijojnë aktive, 6 janë nën mbikëqyrje, ndërsa 7 janë shuar. Në Ballenjë të Dibrës, vijon aktive vatra në zonën e mbrojtur Ballenjë-Kostenjë. Në Qafë të Helmës, në Bulqizë, zjarri është zgjeruar për shkak të intensitetit të erës, duke përfshirë sipërfaqe me shkurre dhe pisha. Për përballimin e situatës janë angazhuar 23 forca zjarrfikëse dhe strukturat e tjera bashkiake. Në këtë zonë nuk raportohet rrezik për banesat. Ndërkohë, në Malin e Dardhës në Librazhd vijojnë operacionet për shuarjen e zjarrit në sipërfaqe pyjore, ndërsa në Malin e Qukësit, në Prrenjas, është riaktivizuar vatra, ku po digjen trungje të rrëzuara dhe bimësi e ulët. Edhe këtu nuk ka rrezik për zonat e banuara. Një tjetër vatër është riaktivizuar në Shashicë-Vodicë të Vlorës, në një sipërfaqe pyjore me shkurre. Zjarri ndodhet në një zonë të largët dhe të paarritshme për forcat dhe mjetet, ndërsa nuk paraqet rrezik për banesat.