Kreu i Komisionit Qendror të Zgjedhjeve, Ilirjan Celibashi, është bashkuar me deklaratën e bërë nga Ipeshkvijtë e Kishës Katolike të Shqipërisë, kundër shit-blerjes së votës. Përmes një postimi në “Tëitter”, Celibashi u bën thirrje qytetarëve që të marrin pjesë në votime e të shprehin vullnetin e lirë e të pandikuar. Të njëjtin mesazh ka shpërndarë në facebook edhe Presidenti i Republikës Ilir Meta ka përshëndetur mesazhin e ipeshkve katolikë të Shqipërisë për zgjedhjet dhe shitblerjen e votave. Në një mesazh për qytetarët, Meta e cilëson një mesazh të fuqishëm dhe frymëzues dhe i bën jehonë thirrjes së tyre për të mos rënë në grackën e kujtdo, që kërkon t’i trajtojë qytetarët shqiptarë si plaçkë. “Ndëshkoni ata, që duan të blejnë votën tuaj dhe t’ju përzënë fëmijët nga Shqipëria”, thekson Presidenti. Kush falsifikon, kush tenton të tjetërsojë dhe të prekë votën, do ta ketë vendin në burg! Përfundon Meta statusin e tij në facebook.