Policia italiane ka shkatërruar një rrjet trafikantësh që shpërndante kokainë në zona të ndryshme të Italisë, kryesisht në veri. Grupi i trafikantëve të drogës me kombësi italiane dhe shqiptare, të cilët tregtonin kryesisht kokainë janë dënuar në total me 70 vite burg nga autoritetet italiane. Grupi prej 10 personash drejtohej nga trafikantë shqiptarë, të cilët operonin kryesisht në të gjithë veriun e Italisë. Trafikantët u arrestuan si pasojë e hetimeve nga kapja e një ngarkese kokaine prej 25 kilogramësh, sasi e cila ishte fshehur në djath. Trafikantët kishin hequr pjesën e brendshme të djathit dhe kishin futur paketime kokaine.