Një grup që merrej me shpërndarjen e lëndëve narkotike në zonën e Kombinatit u godit nga shërbimet e policisë të komisariatit numër 6 në kryeqytet. Operacioni I koduar “Green” u zhvillua pas informacioneve të siguruar në rrugë operative nga ana e agjentëve, ndërsa në pranga prëfundun katër persona. të arrestuarit, sipas policisë, u konstatuan në rrugën "Fabrika e Qelqit". Gjatë kontrolleve të ushtruara ndaj tyre agjentët iu gjetën një sasi kanabisi, një pjesë e të cilës ishte ndarë në doza të vogla gati për shitje. Nga verifikimet e kryera rezultoi se 4 të arrestuarit pasi siguronin lëndën narkotike në sasi, e ndanin atë në doza, të cilat i shitnin më pas në lagje të ndryshme të Kombinatit. Materialet i kaluan Prokurorisë, për veprën penale "Prodhimi dhe shitja e narkotikëve" kryer në bashkëpunim.