Rreth 70 njerëz janë vrarë nga shirat e dendur që kanë goditur Afganistanin gjatë pesë ditëve të fundit, tha departamenti i qeverisë për menaxhimin e fatkeqësive. Afganistani u përball me një thatësirë të madhe gjatë dimrit, ndërsa ditët e para të pranverës sollën përmbutje të mëdha në shumë provinca. Zëdhënësi i menaxhimit të fatkeqësive, Janan Sayeq tha se krahas viktimave 56 të tjerë janë plagosur si rrejdhojë e përmbytjeve ndërsa më shumë se 2600 shtëpi janë dëmtuar ose shkatërruar. Sa i takon sipërfaqes s përmbytur ajo raportohet të jetë në rreth 95 mijë hetarë. Edhe Pakistani ëhstë përfshirë nga shirrat pranveror, ndërsa ka regjistruar rreth 65 viktima. Kombet e Bashkuara vitin e kaluar paralajmëruan se "Afganistani po përjeton ndryshime të mëdha të kushteve ekstreme të motit". Pas katër dekadash lufte, Afganistani renditet ndër kombet më pak të përgatitura për t'u përballur me ngjarjet ekstreme të motit, për të cilat shkencëtarët thonë se po bëhen më të shpeshta dhe të rënda për shkak të ndryshimeve klimatike.