Lufta është rikthyer në evropë. Putin ka nisur pushtimin e Ukrainës, nga veriu, jugu dhe lindja ndërsa raketat kruiz kanë rënë si shi mbi aeroporte dhe baza ushtarake, ndërsa trupat hidhen me parashutë nga qiejt, tanket hyjnë në autokolona dhe dhjetëra janë viktimat. Mediat britanike, shkruajnë se sulmi ka qenë simultan nga të treja drejtimet. Raketat dhe bombat kanë qëlluar objektiva nga lindja në perëndim, duke shkatërruar baza ushtarake, aeroporte ushtarake dhe depo municionesh. Tanket dhe trupat sipas The Sun, kanë hyrë në territor ukrainas nga Bjellorusia ndërsa paratrupat kanë zbarkuar në lidnje të vendit me forcat rebele që po shtyhen edhe jashtë rajonit të kontrolluar prej tyre të Donbashit. Me qindra trupa ukrainase raportohet se kanë humbur jetën ndërkohë që kievi thotë se ka rrëzuar gjashtë avionë rusë dhe një helikopter ushtarak para se moska të pretendonte se ka eleminuar bateritë kundërajrore të vendit.