Daily Mail shkruan se disa anëtarë të Shërbimit Sekret të Trump u përplasën me kuzhinierët e Mbretit Charles III. Ata ushin caktuar për të mbikëqyrur ushqimin në kuzhinë, por kjo gjë u kthye në një atmosferë tensioni. Sipas Daily Mail, në momentin që agjentët filluan të provonin ushqimin disa prej kuzhinierëve e kanë ndjerë si ndërhyrje shqetësuese në punën e tyre dhe janë kundërpërgjigjur. Ndërsa të ftuarit nuk dinin asgjë, atmosfera në kuzhinë u bë shpejt e tensionuar dhe situata degjeneroi kur filluan ngritjet e zërit mes stafit të kuzhinës dhe agjentëve amerikanë të sigurisë. “Kuzhinierët, që po përpiqeshin të shërbenin tri pjata në mënyrë të përsosur, u frustruan kur agjentët amerikanë vazhdimisht kontrollonin dhe madje provonin ushqimet”, tha një burim nga Kështjella Ëindsor për Daily Mail. Por, zyrtarët e Pallatit mohuan kategorikisht pretendimet për përplasje, duke i quajtur ato "plotësisht të pavërteta" dhe shtuan se marrëdhëniet me kolegët amerikanë ishin jashtëzakonisht të ngrohta dhe mbështetëse gjatë gjithë kohës. Megjithatë burimi i Daily Mail shtoi: “Ajo që filloi si bezdi e qetë, u përshkallëzua në një debat të nxehtë me zëra të lartë nga të dyja palët. U deshën disa minuta që të qetësoheshin gjakrat dhe që kuzhina të kthehej në ritmin e saj normal. Të ftuarit në sallë nuk e kuptuan kurrë çfarë po ndodhte, por në kuzhinë ishte e pamundur të mos e vëreje”, nënvizoi më tej burmi.