Më shumë detaje kanë dalë në dritë, në lidhje me vrasjen e Indrit Ndojit në qytetin e Fushë-Krujës. Përpara grupit hetimor vëllezërit kanë rrëfyer, se viktima ka qenë nën ndikimin e alkoolit apo lëndëve narkotike në momentin kur janë takuar dhe për këtë arsye debati që kishin mes tyre ka degraduar. Sipas dëshmisë së vëllezërve, pretendohet se viktima ka qënë ai që i ka sulmuar fillimisht vëllezërit, të cilët më pas kanë reaguar. Ndër të tjera, ata tregojnë se e kanë qëlluar me kaçavidë në këmbë viktimën dhe më pas e kanë lënë në kanal, por me shenja jete. Më tej, Sajmir Miri dhe Landi Miri thonë se me viktimën janë takuar për të sqaruar një problem të vjetër mes tyre, ndërkohë që lajmin e vdekjes e kanë mësuar nga mediat të nesërmen e konfliktit. Policia njoftoi të shtunën arrestimin e Sajmir dhe Landi Mirit, si autorë të dyshuar të vrasjes së Indrit Ndojit, I cili u gjet në kanal të premten. Në njoftimin zyrtar policia bën me dije se ka gjetur prova nga vendi I ngjarjes dhe në shtëpinë e vëllezërve që I implikon ata, në vrasjen e Indrit Ndojit.