Numërimi i votave të kandidatëve për deputet, agravoi në sulm fizik në zonën e Kasharit. Sekretari i KZAZ-së, Remzi Mehmeti u godit nga një grup vëzhguesish të kandidatit të Partisë Socialiste, Ornaldo Rakipi. Përplasja ka ndodhur për një fletë votimi, që numëruesit e kanë konsideruar të pavlefshme. “Vota ishte e PS-së, pretendohej për Orlando Rakipin por pati kontestime dhe duhet të ishte KZAZ që do shprehej për kontestimin. Ata kaluan perimetrin e sigurisë dhe më pas pamjet ju i keni parë. Vota që po kontestohej ishte vota e Orlando Rakipit. Ishte votë e PS dhe normalisht duhet të ishin njerëzit e tij. Në ishim vetëm për ta vlerësuar. Ne kemi bërë kallëzim te Komisariati nr. 6, pasi nuk i njoh personat dhe presim që hetimet t’i bëjnë ata për rastin. Ne do ta kryejmë detyrën tonë me çdo kusht Komisioni Qëndror i Zgjedhjeve revokoi akreditimin e vëzhguesve, duke lejuar vetëm mediat dhe ndërkombëtarët në monitorimin e procesit të numërimit.