Një sherr i madh me tre të plagosur u regjistrua në Kryeqytet këtë të mërkurë. Konflikti fizik ndodhi në rrugën "Thoma Koxhaj", rreth orës 16:50, ndërsa u përfshinë pesë persona. ende nuk dihen shkaqet që çuan në nisjen e sherrit, ndërsa mësohet se gjatë përplasjes fizike u përdorën dhe sende të forta. Goditje nga të cilat pësuan plagë të shumta në trup të plagosurit Fredi Cecaj, Gentian Zogu dhe Serian Zogu/ ata u dërguan drejt spitalit për ndihmë mjekësore. Mësohet nga burime pranë bluzve të bardha se të lënduarit janë nën kujdesin e mjekëve. Ndërkohë u shoqëruan drejt komisariatit dy personat e tjerë të përfshirë në sherr Shemsi Hoxha dhe Klemend Hoxha. Ata po merren në pyetje lidhur me rrethanat e ngjarjes. Ndërkohë hetuesit pritet të marrin dhe dëshminë e të plagosurve me qëllim zbardhjen e rrethanave të konfliktit.