Debati për shërbimin ushtarak mbetet i nxehtë në gjermani ndërsa duket se ka dështuar edhe marrëveshja për të cilën kishin rënë dakord negociatorët e partive të koalicionit qeveritar. Sipas njoftimeve të medias brenda grupit parlamentar socialdemokrat ka pasur rezistencë lidhur me ndryshimet në modelin e planifikuar të shërbimit ushtarak ndaj edhe një konferencë e përbashkët për shtyp e këtyre partive, ku do të jepeshin sqarime dhe detaje, u anulua momentet e fundit. Duket se brenda SPD-së ka pasur rezistencë ndaj sistemit të shortit të propozuar. Ky sistem ishte menduar të hynte në fuqi, nëse për Bundesëehr-in do të regjistroheshin shumë pak vullnetarë. Debati brenda radhëve të koalicionit ka të bëjë mbi të gjitha me pyetjen, nëse shërbimi i ri ushtarak që planifikon Gjermania duhet të mbështetet ekskluzivisht në rekrutimin vullnetar, siç kishte propozuar ministri i Mbrojtjes, Boris Pistorius, apo nëse në ligj duhet të përfshihen edhe elementë të detyrueshëm.