Shërbimi Sekret, i cili mbron presidentët amerikanë, kandidatët për president dhe zyrtarë të tjerë të nivelit të lartë, është vendosur në epiqendër të vëmendjes që kur ndodhi atentati i parë ndaj ish-Presidentit Trump. Sulmi i parë solli dorëheqjen e drejtores së këtij shërbimi, Kimberly Cheatle. Shërbimi Sekret shtoi masat e sigurisë për ish-Presidentin Trump pas sulmit të 13 korrikut, gjatë të cilit autori u vra nga agjentët e sigurisë. Agjencia “ka nevojë për më shumë ndihmë”, përfshirë ndoshta më shumë personel, u tha Presidenti Biden gazetarëve të hënën, duke shtuar: “Falenderoj Zotin që ishpresidenti është OK”. Kryetari i Dhomës së Përfaqësuesve, Mike Johnson, i cili ka krijuar një grup pune dypartiak që kur ndodhi atentati i parë, i tha kanalit të lajmeve Fox Neës gjatë një interviste se Kongresi do të shqyrtojë edhe incidentin e fundit. “Na duhet llogaridhënie”, tha Johnson, duke bërë thirrje për më shumë burime për të mbrojtur ish-Presidentin Trump. “Duhet të kërkojmë që kjo të realizohet”. Ronald Roëe, zëvendësuesi i drejtores së dorëhequr të Shërbimit Sekret, udhëtoi drejt Floridas pas tentativës për vrasje, raportuan disa media. Roëe, i cili mori përsipër drejtimin në korrik, i tha Kongresit në atë kohë se ndjehej “i turpëruar” nga mangësitë e sigurisë në atentatin e mëparshëm. Roëe ka qenë pjesë e Shërbimit Sekret për 25 vite, thuhet në biografinë e tij zyrtare, dhe ishte emëruar zëvendësdrejtor përpara se t’i lihej drejtimi i përgjithshëm në muajin korrik.