Shqiptarët janë më të pakënaqurit në rajon sa I përket shërbimeve publike, çmimeve apo pagave. Ky është përfundimi I arritur nga një sondazh I bërë nga Këshilli i Bashkëpunimit Rajonal, një organizatë e mbështetur nga Bashkimi Europian. Sipas SecuriMeter 2024 Shqipëria në 4 raportet e viteve të fundit, del vendi me përqindjen më të lartë të qytetarëve që luftojnë për të përballuar jetesën. Të dhënat janë publikuar edhe nga deputetja e PD Zheni Gjergji. SINK “93% e shqiptarëve mendojnë se pensionet në Shqipëri janë të pamjaftueshme, niveli më i lartë i pakënaqësisë krahasuar me vendet e rajonit ku perceptimi varion nga 48% deri në 70%. 99% e qytetarëve shohin me shqetësim rritjen e çmimeve në përgjithësi, nivel ky ekstremisht i lartë krahasuar dhe me vendet e tjera të rajonit që varion me 55-80%. 48% e qytetarëve janë plotësisht të pakënaqur me shërbimin shëndetësor, sërisht nivel i lartë krahahsuar me vendet e tjera të rajonit, tek të cilat luhatet midis 25-40%. …93% e qytetarëve shprehin shqetësim për nivelin e pagave, një përqindje kjo tepër e lartë me mesataren e rajonit, duke reflektuar një krizë të thellë ekonomike dhe kosto të rritur të jetesës. Për demokratët minimum jetik prej 200 eurosh dhe rritja e pages minimale në 500 euro është zgjidhja që do të ndikojë në përmirësimin e këtyre raporteve. Për këtë Gjergji premton një paketë të Emergjencës ekonomike në 100 ditët e para të qeverisjes Berisha.