Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, 4 subjekteve. Një prej tyre është një emër i njohur Emiljan Gjepali, i mbiquajtur edhe i forti i Shijakut. Gjipali është i dënuar për veprën penale “Prodhimi dhe shitja e narkotikëve”. Ndërsa tre të tjerët janë nga Korça. Mario Tebexhiku, i dënuar për veprën penale “Prodhimi dhe shitja e narkotikëve”; Arben Shquti., i dënuar për veprën penale “Trafikimi i narkotikëve”, mbetur në tentative dhe Ledio Çyçllari, i dënuar për veprën penale “Vrasja në rrethana të tjera cilësuese”; Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme