Një 44 vjeçar shqiptar është arratisur nga burgu italian i Ankonas, ku po vuante dënimin për akuzat e trafikut ndërkombëtar të drogës. Mediat italiane shkruajnë se bëhet fjalë për Xhevdet Plakun, një emër i njohur për drejtësinë shqiptare, pasi është akuzuar dhe dënuar për dy vrasje. Sipas mediave italiane, arratisja e realizuar në formë të heshtur, pa spektakël por e studiuar dhe zbatuar me përpikmëri ka ndodhur këtë të premte. Policia është alarmuar dhe ka nisur një aksion masive për të rënë në gjurmët e tij duke kërkuar në fusha, shtëpi të braktisura dhe zonat pyjore pranë burgut, por deri më tani nuk ka asnjë gjurmë të tij. Xhevdet Plaku, i njohur me nofkën "Akili" ka qenë më herët edhe shënjestra e Rexhep Arapit, njohur me nofkën ‘Kep Arapi’. Për vrasjen e shqiptarit me 25 identitete kishte ndërhyrë edhe ish-shefi i Komisariatit të Shijakut, Dedan Gjoni. Por ende nuk dihet se përse donte "Kap Arapi" që të eliminonte Plakun, i cili cilësohet si kreu i një grupi të trafikut ndërkombëtar të drogës, të cilin e drejtonte nga Amsterdami.