Ministri në detyrë për Komunitete dhe Kthim Nenad Rashiç, gjatë një intervite për Radio Evropa e Lirë, është shprehur se integrimi I arsimit dhe shëndetësisë serbe në një sistem të vetëm në Kosovë, është një process që duhet të ndodhë, por që duhet të zhvillohet përmes konsultimeve dhe harmonizimit të qëndrimeve, në mënyrë që të mos ketë pasoja të dhimbshme për komunitetin serb. Rashiq thotë, se në këtë proces, do të ftohet edhe partia më e madhe e serbëve në Kosovë, Lista Serbe, e cila tashmë ka reguar kundër kësaj nisme. Ministri në detyrë thotë se ky do të jetë një proces që do të zgjasë, në kuptimin e komunikimit, konsultimit dhe harmonizimit, që palët të pajtohen se në çfarë mënyre kjo mund të bëhet. Javën e kaluar, kryeministri në detyrë, Albin Kurti, në një mesazh drejtuar komunitetit serb, theksoi se dualizmi i sistemit shëndetësor dhe arsimor nuk është i qëndrueshëm, dhe paralajmëroi se gjatë mandatit të ardhshëm, së bashku me komunitetin serb, përfshirë edhe kryetarët e ardhshëm të komunave, do të punohet për, “përshtatjen e shëndetësisë dhe arsimit në një sistem të vetëm”.