Njëmbëdhjetë persona kanë humbur jetën pas rrëzimit të catisë së një gjimnazi në verilindje të Kinës, pasi në ambjentet e shkollës ishte duke u stërvitur ekipi i vajzave të volejbollit. Dëshmitarët okularë thanë për mediat lokale se shumica e viktimave janë fëmijë, ndonëse një gjë e tillë nuk është konfirmuar nga zyrtarët. Prindërit e shqetësuar janë parë para një spitali në afërsi duke pritur në ankth për informacione të reja. Vetëm tetë prej 19 personave që kanë qenë brenda palestrës kanë mbijetuar. Pas hetimeve paraprake është gjetur perlit, substancë e formuar nga qelqi vullkanik, i cili është shtruar nën çati dhe ka mbledhur ujë, cka edhe ka bërë që kulmi të shembej. Prindërit ndërkohë janë ankuar për mungesë komunikimi me ta gjatë përpjekjeve të kërkim shpëtimit. “Ata më kanë thënë se vajza ime ka vdekur, por ne nuk e kemi parë atë. Të gjithë fëmijët kanë qenë të mbuluar me baltë dhe gjak kur i pamë në spital.