Sekretari i Përgjithshëm i NATO-s, Mark Rutte paralajmëroi këtë të ejnte se, fitorja e Rusisë në Ukrainë do të minonte fuqinë parandaluese të aleancës ushtarake më të madhe në botë. Sipas toj, do duheshin triliona dollarë për të rikthyer besueshmërinë tek qëndrueshmëria e saj. “NATO duhet të angazhohet për ta ndryshuar “trajektoren e luftës” në Ukrainë”, u shpreh më tej Rutte teksa mori pjesë në Forumin Botëror Ekonomik që po mbahet në Davos të Zvicrës. “Duhet ta ndryshojmë trajektoren e luftës, e cila po vazhdon dhe deri më tani, siç e dini, vija e frontit po shkon në drejtimin e gabuar – po shkon drejt lindjes. Kjo po ndodh për shkak të agresionit rus në Ukrainë. Në shekullin 21 nuk mund të lejojmë që një shtet të pushtojë një shtet tjetër dhe përpiqet ta kolonizojë atë. Ato ditë janë të shkuara, të tejkaluara”, u shpreh Sekretari Rutte.