Disa lëvizje të ushtrisë amerikane dhe asaj izraelit kanë nxitur zërat se Donald Trump dhe Benjamin Netanjahu po përgatiten të godasin Iranin dhe sulmi me gjasë do të ndodhë brenda kësaj fundjave. Zërat janë përhapur masivisht në mediat e Lindjes së Mesme, që kanë marrë në analizë disa fluturime masive të avionëve luftarakë transportues amerikanë nga SHBA drejt këtij rajoni. Një tjetër e dhënë që ka shtuar këto lajme, që për momentin mbeten ende në formën e thashethemeve janë zhvendosjet e sistemeve ajrore izraelite, që janë përqëndruar në bazat veriore të vendit. Lëvizjet e IDF, sipas mediave në Iran dhe në Arabinë Saudite sugjerojnë se Tel Avivi po përgatitet për sulme me raketa nga ana e Iranit, si kundërpërgjigje e një operacioni ushtarak amerikan mbi Teheran dhe baza të tjera ushtarake të Republikës Islamike.