Departamenti amerikan i Drejtësisë po shqyrton mundësinë për të hetuar katër shtete lidhur me rregullat që kërkojnë nga azilet e pleqve të pranojnë pacientë me koronavirus, duke thënë se keto rregullore mund të kenë çuar në vdekjen e mijëra pacientëve të moshuar.Të katër shtetet në fjalë – Nju Jorku, Nju Xhersi, Pensilvania dhe Miçigani – drejtohen nga guvernatorë demokratë. Ligjvënësit republikanë dhe kritikë të tjerë, prej kohësh kanë pohuar se rregullat e vëna kanë shkaktuar një numër të lartë vdekjesh në mënyrë disproporcionale në institucionet e kujdesit afatgjatë në këto shtete.Në letra të veçanta për guvernatorët e të katër shteteve, Ndihmës Prokurori i Përgjithshëm Eric Deriband ka kërkuar të dhëna të shumta, që nga numri i njerëzve që u pranuan në shtëpitë e të moshuarve e deri ai i viktimave në këto institucione. Më shumë se 40% e afro 180 mijë vdekjeve nga koronavirusi në Shtetet e Bashkuara janë të lidhura me azilet e pleqve, sipas një analize nga gazeta Neë York Times. Në Nju Jork, guvernatori Andreë Cuomo pat thënë në muajin mars se “asnjë banori nuk duhet t’i refuzohet ripranimi apo pranimi në azilin e pleqve vetëm bazuar në diagnoza të dyshuara apo konfirmuara me COVID-19”. Nën presion, ai ndryshoi urdhërin në muajin maj, duke thënë se vetëm pacientët që kishin rezultuar negativë mund të dërgoheshin në shtëpitë e pleqve.