Në një ceremoni të mbajtur në Ministrinë e Brendshme, janë certifikuar 30 punonjës të Agjencisë së Mbikëqyrjes Policore, të cilët u trajnuan për 3 javë nga ekspertë të misionit ICITAP. E pranishme në aktivitet e Ngarkuara me Punë Nancy VanHorn kërkoi prej tyre që të mos tundohen dhe të kryejnë detyrën me integritet. Vetëm javën e kaluar, kalimtarë të pafajshëm humbën jetën në Shkodër. Kështu që, kostoja e krimit nuk është vetëm humbje në të ardhura apo mundësi, por edhe në jetë njerëzore shqiptare. Puna juaj mbron bashkëqytetarët tuaj në mënyra shumë konkrete. Ju jeni absolutisht vendimtarë për funksionimin e Policisë së Shtetit. AMP-ja ndërton dhe ruan respekt të ndërsjellë mes Policisë së Shtetit dhe publikut shqiptar. Çdo herë që kryeni një hetim të drejtë dhe transparent për akuzat për korrupsion, çdo herë që arrestoni dhe ndiqni penalisht një oficer që nuk ka arritur ta mbajë veten në përputhje standardeve më të larta dhe çdo herë i përgjigjeni shpejt dhe i merrni seriozisht ankesat e publikut, ju rritni besimin e publikut jo vetëm te Policia e Shtetit, por edhe te agjencia tuaj. Duke e cilësuar një sukses reformën në drejtësi, ajo tha se pritshmëritë janë shumë të larta në luftën kundër zyrtarëve të korruptuar.