Top News – SHBA ‘thyen tabunë’, diskutime sekrete / Gati të dërgojë raketat e frikshme në Ukrainë

Diskutime sekrete po mbahen në administratën amerikane për sa i takon dërgimit të mundshëm të raketave me rreze të gjatë veprimi Atacms, në Ukrainë. Sipas Neë York Times, që citon dy funksionarë amerikanë dhe një evropian, raporton lajmin. Të parët, sipas gazetës, kanë lajmëruar se arsenali i tyre i Atacms është relativisht i vogël dhe se këto raketa janë të destinuara për plane të tjera ushtarake të Pentagonit, përfshirë gadishullin korean. Sipas një zëdhënësi të Lockheed Martin, që edhe prodhon raketat, vetëm rreth 4 mijë Atacms janë prodhuar që kur raketa u projektua në vitet 80. Mbretëria e bashkuar ka dërguar ndërkohë raketat kruiz me rreze të gjatë veprimi Storm Shadoë në Ukrainë, ndërsa Franca i ka premtuar Kievit të njëjtat raketa që ajo i quan Scalp. Raketat Atacms kanë një rreze veprimi prej rreth 300 kilometrash, mjaftueshëm për të qëlluar nga territori ukrainas edhe objektivat ruse që janë shumë pas linjave të frontit.