Ndërhyrja e mundshme ushtarake e SHBA-së në konfliktin mes Izraelit dhe Iranit, është temë qendrore në gjithë botën. Por, Presidenti amerikan Donald Trump, ende nuk ka marrë një vendim përfundimtar. Mediat amerikane shkruajnë se Trump e mbështet bashkimin në luftën e izraelit, por nuk e ka ndarë ende mendjen, ndërkohë që Bloomberg neës raportoi se zyrtarët e lartë amerikanë po përgatiten për sulm mbi iranin, në ditët në vijim. Bloomberg ciotoi burime të njohura më cështjen, por theksoi se situata është ende në zhvillim dhe mund të ndryshojë. Disa nga burimet madje folën për plane të mundshme për një sulm gjatë fundjavës. Duke folur me gazetarët më herët të mërkurën jashtë Shtëpisë së Bardhë, Trump nuk pranoi të thoshte nëse kishte marrë ndonjë vendim nëse do t'i bashkohej fushatës së Izraelit. "Mund ta bëj. Mund të mos e bëj. Dua të them, askush nuk e di se çfarë do të bëj. Por ajo që mund të them është, se: Irani ndodhet në vështirësi të madhe". Trump tha gjithashtu, se pala iraniane e ka kontaktuar dhe do të negociojë. Por ai u ka thënë, se tani është shumë vonë për negociata. E më pas presidenti i SHBA-së deklaroi, se javën që vjen do të ndodhë diçka e madhe, ndodhta edhe në më pak se një javë. Të tilla shprehje të Trump nuk duhen kuptuar patjetër si deklarata konkrete. Ato janë më shumë një shenjë që tregon se ai nuk është i vendosur. Ndoshta ato janë pjesë e strategjisë së tij për të rritur presionin ndaj Iranit. Politikanët në SHBA janë të ndarë në qendrime lidhur me një pjesëmarrje të ushtrisë amerikane në goditjen e komplekseve nukleare të Iranit. SHBA mund të verë në dispozicion bomba që çajnë bunkerët në male, armatim ky që Izraeli nuk e ka. Të vetmit avion luftarakë, që mund t'i hedhin këto bomba janë B-2 të SHBA-së. Por ndërkohë ka edhe shumë zëra nga demokratët si dhe republikanët, që apelojnë për maturi dhe mendojnë, se SHBA-ja nuk duhet të përfshihet në një konflikt pafund në Lindjen e Mesme.