Shpresa se SHBA do ti rikthehet jetës normale këtë verë, duket gjithnjë e më e largët. “Çdo shtet në vend, kryesisht Uashingtoni, po shënon rritje të rasteve me Delta”, thotë Anand Sëaminathan, mjek në repartin e urgjencës. Vetëm javën e shkuar, në SHBA u shënuan më shumë se 26 mijë raste të reja me Covid, një rritje prej 67% nga një javë më parë sipas të dhënave nga Universiteti Johns Hokpins. “Po na sulmon. Ai është si një bishë. Këtë e kemi parë në spitalet tona. Kjo është arsyeja përse jemi kaq nervozë,” shprehet mjekja Catherine O’Neal. Çfarë po ndodh? Varianti Delta i Covid-19, i raportuar fillimisht në Indi, po përhapet në mbarë Shtetet e Bashkuara, duke rrezikuar ata që ende nuk janë vaksinuar ndaj koronavirusit. “Ose do të vaksinohemi në masë dhe t’i japim fund Covidit ose do të na duhet të pranojmë vdekjen”, thotë O’Neal.