Mediat e afërta me qeverinë në Hungari, kur flasin për pushtimin rus të ukrainës, nuk përdorin fjalën luftë por thonë ‘kriza ukrainase’...Madje shpesh herë, SHBA shfaqet në to si agresor. Uashingtoni po cënon sovranitetin e hungarisë dhe po e shtyn vendin në luftë – thonë mediat e orbanit. Tone të tilla antiamerikane nuk dëgjoheshin prej kohësh në Hungari. Shkak për këtë acarim duket se është bërë paketa e fundit me sanksione mbi Rusinë, e shpallur nga uashingtoni të mërkurën, e cila prek edhe Hungarinë. Këto sanksione prekin bankën ndërkombëtare ruso-hungareze të investimeve dhe personelin drejtues të saj, përfshirë zëvendës drejtorin e saj. Dhe ky rast nuk është i paprecedent pasi SHBA vitet e fundit ka sanksionuar jo pak politikanë e biznesmenë nga vende aleate, përfshirë shqipërinë dhe bullgarinë. Por për herë të parë që nga fillimi i pushtimit rus të ukrainës, sanksionohet një vend anëtar i NATO-s. Kjo për faktin se banka ndërkombëtare ruso-hungareze IIB nuk është një bankë dosido por një bankë shtetërore ku hungaria ka 25 për qind të aksioneve.