Rusia ka ngritur dy avionë në fluturim të hënën për të penguar dy dronë amerikanë që të hynin në hapësirën e saj ajrore mbi detin e zi – tha ministria ruse e mbrojtjes. Një deklaratë e ministrisë në telegram nënvizonte se dronët ishin pikasur afër krimesë dhe po i drejtoheshin kufirit rus në një mision zbulimi. “Si rezultat i aksioneve të forcave anti ajrore në detyrë, dronët amerikanë të zbulimit ndryshuan drejtimin e fluturimit dhe u larguan nga zona ku ata po kryenin operacione të mbledhjes së të dhënave të inteligjencës”, tha deklarata. Që nga fillimi i luftës në Ukrainë, shkurtin e vitit të kaluar, zyrtarë perëndimorë kanë paralajmëruar se rreziku i një konfrontimi direkt mes Rusisë dhe SHBA-së është i mundur. Në mars të këtij viti pati edhe një kontakt të parë fizik mes dy ushtrive. Një avion luftarak rus goditi një dron vëzhgues amerikan, mbi Detin e Zi, duke sulmuar helikën e tij dhe duke bërë që operatorët e tij amerikanë ta rrëzojnë atë në ujëra ndërkombëtare. Incidenti rriti menjëherë tensionet mes Shtëpisë së bardhë dhe kremlinit, pasi zyrtarët amerikanë akuzuan forcat e përfshira ruse për sjellje të rrezikshme. Edhe në atë rast, ministria ruse e mbrojtjes pretendoi se droni amerikan ishte i drejtuar për në territorin e kontrolluar nga rusia dhe tha se droni ishte rrëzuar vetë, pa patur asnjë sulm.