Shtetet e Bashkuara kanë rrëzuar një balonë të dyshuar spiune kineze që ka fluturuar në të gjithë Amerikën javën e kaluar. Tre aeroporte dhe hapësira ajrore u mbyllën në brigjet e Karolinës së Jugut pasi avionët ushtarakë amerikanë shënjestruan objektin mbi Oqeanin Atlantik. Sipas agjencisë së lajmeve Associated Press, pamjet tregojnë momentin kur balona bie në det pas një shpërthimi. Presidenti i SHBA Joe Biden u përball me presion të madh për ta rrëzuar atë që kur u shfaq për herë të parë në të gjithë SHBA-në javën e kaluar. Agjencia në fjalë e lajmeve, duke cituar zyrtarë të paidentifikuar, thanë se Presidenti Biden kishte dhënë miratimin për ta rrëzuar balonën por mbi Oqeanin Atlantik sepse në tokë kishte rrezik të madh. Balona fluturoi mbi qiellin Amerikan në mes të tensioneve të përkeqësuara midis Uashingtonit dhe Pekinit, me Sekretarin e Shtetit Antony Blinken që anuloi një udhëtim në Pekin për këtë çështje. Blinken tha se prania e balonës spiune ishte një akt i papërgjegjshëm. Megjithatë, Kina pretendon se nuk është balonë spiune, por thjesht ka dalë nga kursi. Nga ana tjetër, SHBA raportoi një tullumbace të dytë kineze që lundronte mbi Amerikën Latine të premten. Kina, e cila ka shprehur keqardhje për incidentin, tha të shtunën se nuk kishte shkelur kurrë territorin dhe hapësirën ajrore të ndonjë vendi sovran. Madje, Kina në një reagizm zyrtar deklaroi se incidenti po përdoret si një pretekst për ta njollosur atë. Pamjet: AFP