Një zyrtar i ministrisë turke të mbrojtjes tha se droni që ishte rrëzuar nuk i përkiste forcave të armatosura turke, por nuk sqaroi se në pronësi të kujt ishte. Agjencia e inteligjencës kombëtare të turqisë, ka kryer sulme në siri, kundër militantëve kurdë, pas një sulmi me bombë në ankara, fundjavën e shkuar. Natën e të enjtes, sulmet ajrore të ushtrisë turke shkatërruan 30 shënjestra të militantëve kurdë në sirinë veriore, përfshirë një pus nafte, një magazinë dhe bunkerë, si edhe ka neutralizuar shumë militantë – konfirmoi ministria turke e mbrojtjes. Zëdhënësi i pentagonit, Pat Ryder, tha ndërkohë se dronët turq kanë kryer sulme ajrore në Hasakah të sirisë, mëngjesin e të enjtes, rreth 1 km larg trupave amerikane. Pak orë më vonë, një dron turk iu afrua në më pak se gjysmë kilometri trupave amerikane dhe u konsiderua një rrezik. Si pasojë u rrëzua nga një avion luftarak amerikan F-16. “Ne nuk kemi të dhëna që të tregojnë se turqia po merrte qëllimisht në shënjestër forcat amerikane”, i tha Ryders gazetarëve. Hasakah është në sirinë verilindore dhe njësitë e mbrojtjes së popullit kurd, YPG, janë në krye të koalicionit të udhëhequr nga SHBA, kundër grupit Shteti Islamik. Sekretari amerikan i mbrojtjes, Lloyd Austin, foli me homologun e tij turk, tha Ryder, dhe biseda ishte e frytshme. Ministria turke e mbrojtjes tha në platformën e medias sociale X se ministri Jashar Gyler, i kishte thënë Austin se turqia është gati për një luftë të përbashkët me SHBA kundër Shtetit islamik. Marrëdhëniet mes SHBA-së dhe Turqisë janë në një moment delikat, me shtetet e bashkuara që shpresojnë që turqia të ratifikojë anëtarësimin në NATO të Suedisë. Ndërsa SHBA nuk ka rrëzuar asnjë mjet ajror turk më parë, tensionet janë shtuar dhe ka patur fërkime edhe më parë. Në 2019-ën, trupat amerikane në sirinë veriore u vendosën nën sulme artilerie nga pozicione turke.