Shtetet e Bashkuara po përgatiten të ndërmarrin një sulm madhor shpagues kibernetik kundër Rusisë, në shenjë hakmarrjeje ndaj goditjes që iu bë vitin e kaluar agjensive të qeverisë amerikane. New York Times shkruan se ky reagim, së bashku me përgjigjen e së njëjtës natyre që mund t`i japin Kinës, mund të nisin të përvijojë mënyrën sesi administrate Biden do të menaxhojë konfliktin e përshkallëzuar kibernetik e nëse presidenti amerikan do të gjejëj një rrugë për t`i ndëshkuar edhe më fort rivalët që nuk reshtin së shfyrtëzuari pikat e dobëta të infrastrukturës qeveritare amerikane të mbrojtjes, me qëllimin të grabisin të dhëna e mundësisht ta dëmtojnë atë në një formë kritike. E para lëvizje madhore e SHBA pritet brenda tre javëve të ardhshme përmes një serie veprimesh clandestine që do të ndërmerren brenda vetë Rusisë dhe që do të jenë të qartë për presidentin Putin dhe sherbimet ruse të inteligjencës, por jo të gjithë botën. Shkurtin e kwtij viti, ligjvënësit amerikanë hapën hetime këtë javë lidhur me penetrimin në sistemet e kompanisë SolarWinds në dhjetor 2020 që çoi në kompromentimin e sistemeve kompiuterike të qeverisë amerikane si dhe të shumë përdoruesve privatë. Krerët e kompanive teknologjike thanë në dëshmi para ligjvënësve se nuk dihen ende përmasat e plota të kësaj ndërhyrjeje.