Shtetet e Bashkuara të Amerikës kanë premtuar një miliard dollarë për Kolumbinë, disa orë pasi presidenti i ri populist i krahut të djathtë i vendit u betua. Abelardo de la Espriella, një admirues i Donald Trump, i cili mbështeti shumë nga politikat e presidentit amerikan gjatë fushatës zgjedhore, tha në fjalimin e tij të parë se gjatë mandatit të tij do të sjellë luftë kundër karteleve të drogës. Departamenti i Shtetit i SHBA-së deklaroi se paketa e sigurisë do ta ndihmonte atë të arrinte qëllimet e përbashkëta, të cilat përfshijnë luftën kundër krimit të organizuar dhe emigracionit të paligjshëm. Trump e kritikoi vazhdimisht paraardhësin e krahut të majtë të de la Espriellës për qasjen e tij ndaj të dyjave. Trump ka treguar një interes më të madh për Amerikën Latine gjatë mandatit të tij të dytë. Para zgjedhjeve, presidenti amerikan tha se de la Espriella kishte mbështetjen dhe forcën totale të Shteteve të Bashkuara pas tij, duke parashikuar një marrëdhënie shumë më të mirë me Kolumbinë pasi të zgjidhej në qershor. Avokat dhe biznesmen, de la Espriella e është zotuar se do luftojë krimin me grusht të hekurt. Në fjalimin e tij ai u zotua të rindërtojë Kolumbinë dhe të mbrojë demokracinë me arsye ose me forcë.