Ndërhyrja ushtarake e SHBA-së në Iran tani duket e mundshme dhe mund të ndodhë brenda 24 orëve të ardhshme, kanë paralajmëruar zyrtarët, mes përshkallëzimit të fortë të tensioneve në Lindjen e Mesme, shkruan Daily Mail. Mediumi britanik duke iu referuar burimee amerikane, atyre europiane por dhe izraelite thekson se po përgatiten detaje të mundëshme për një sulm në Iran. Kjo pasi Uashingtoni ndërkohë ka filluar dhe me evakuimin e personelit nga baza kryesore ajrore e Katarit. Teherani ka paralajmëruar nga ana tjetër vendet fqinje se bazat ushtarake ajrore të tyre do të jenë objektiv nëse Donald Trump urdhëron një sulm. Ndërsa udhëheqja e Iranit po përpiqet të shtypë trazirat më të mëdha të brendshme me të cilat është përballur ndonjëherë Republika Islamike, Teherani po kërkon të dekurajojë kërcënimet e përsëritura të presidentit amerikan për të ndërhyrë në mbështetje të protestuesve kundër qeverisë. Një zyrtar amerikan tha të mërkurën se evakuimi i Bazës Ajrore Al Udeid ishte një masë paraprake pas paralajmërimeve të Teheranit. Ndërkohë, dy zyrtarë evropianë thanë për Daily Mail se ndërhyrja ushtarake tani duket e mundshme dhe mund të ndodhë brenda 24 orëve të ardhshme.