Bashkëpunimi ushtarak mes vendeve nuk duhet të minojë mirëkuptimin dhe besimin e ndërsjellë mes vendeve rajonale, tha të hënën ministria e jashtme kineze, duke reaguar për stërvitjet e përbashkëta ushtarake të përvitshme të organizuara nga Filipinet dhe Shtetet e Bashkuara, të cilat do të përfshijnë edhe forcat japoneze. "Ajo që rajoni i Azi-Paqësorit ka më shumë nevojë është paqja dhe qetësia, dhe ajo që ka më pak nevojë është futja e forcave të jashtme për të krijuar përçarje dhe konfrontim", tha një zëdhënës i ministrisë së jashtme kineze. "Ne do të donim t'u kujtonim vendeve përkatëse se këmbëngulja në lidhjen e tyre për sigurinë do të çojë vetëm në në kthimin e zjarrit", tha zëdhënësi. Mijëra trupa amerikane dhe filipinase, të cilave i është bashkuar për herë të parë edhe një kontingjent i konsiderueshëm i forcave japoneze, filluan stërvitjet ushtarake vjetore të hënën, në sfondin e luftës së Lindjes së Mesme. Lojërat e luftës do të përfshijnë stërvitje me armë zjarri në veri të Filipineve, përballë Ngushticës së Tajvanit, si dhe në një provincë pranë Detit të Kinës Jugore, ku Filipinet dhe Kina janë përfshirë në konfrontime të përsëritura.