Sekretari amerikan i shtetit Marco Rubio njoftoi kufizimin e vizave për zyrtarët e huaj të cilët kanë gjobitur, intimiduar apo akuzuar shtetas amerikanë për ushtrimin e të drejtës së tyre për fjalën e lirë. "Të huajt që punojnë për të minuar të drejtat e amerikanëve nuk duhet të gëzojnë privilegjin e udhëtimit në vendin tonë”, deklaroi Rubio, duke nenvizuar se politika e re do te preke cilindo. Ai shtoi se për një kohë shumë të gjatë, amerikanët janë gjobitur, ngacmuar dhe madje akuzuar nga autoritetet e huaja. "Sot, po njoftoj një politikë të re të kufizimit të vizave që do të zbatohet për zyrtarët e huaj dhe personat që janë bashkëpunëtorë në censurimin e amerikanëve. Liria e fjalës është thelbësore për mënyrën amerikane të jetesës - një e drejtë e lindur mbi të cilën qeveritë e huaja nuk kanë autoritet.