SHBA-ja ka njftuar se do të ndihmjë Ukrainën me një paketë të re ndihme ushtarake prej 400 milionë dollarësh. Kjo ndihmë ushtarake erdhi pak pasi Rusia hapi një front të ri lufte duke sulmuar Kharkivin. Forcat ruse shënuan përparim në Kharkiv, pas një kohe shumë të gjatë që ky rajon ishte në duart e Ukrainës. Presidenti ukrainas Volodymyr Zelenskyy kishte paralajmëruar të enjten se vendi i tij po përballet me "një situatë vërtet të vështirë" në lindje, por tha se një furnizim i ri me armë amerikane po vjen dhe "ne do të jemi në gjendje t'i ndalojmë ato". Paketa përfshin artileri, raketahedhës NASAM dhe municione për të, municione antitanke, autoblinda, armë të vogla si dhe një sërë mjetesh të blinduara. Ky është kësti i tretë i ndihmës për Ukrainën që kur Kongresi miratoi fondet shtesë në fund të prillit pas disa muajsh që qëndronin të bllkuara. SHBA-ja i ka dhënë Ukrainës ndihmë ushtarake rreth 50 miliardë dollarë, që prej fillimit të agresionit rus në shkurt të vitit 2022.